Регистрация
Меню сайта
Статистика
  • 0

    Men sizni bezovta qilmasman ortiq

    Автор: ADMINISTRATORкатегория: SMS SHERLAR / СМС СТИХИ / СМС ШЕРЛАРдата: 19.02.2020
    Men sizni bezovta qilmasman ortiq,
    Bildim, bo‘g‘zingizga keldi malolim.
    Ammo men netayki ishqsiz dunyoda,
    Mudom bo‘yningizda qolmish zavolim.

    Yodingizga yodim maloli kelmish,
    Ko‘zingiz zerikkan mendan bilaman.
    Go‘zal tuyg‘ularim xo‘rlangan joyda,
    Men nima qilaman?

    Yig‘lab chorlamasman ilojin topsam,
    Endi ko‘zingizda otmas tonglarim.
    Nurdan tuproqqacha sirli dunyoda,
    Men Sizni angladim?

    Nur izlab kelgandim dunyoingizga,
    Zulmatlar darchasin yopolmadim hech.
    Ayriliq ranglari to‘lgan dunyoda,
    Men yashil rangimni topolmadim hech.

    Xayr, men o‘ziga begona odam,
    Sizga ham qadrdon bo‘lmog‘im qiyin.
    Mabodo sog‘inib qolsangiz agar,
    Qo‘ng‘iroq qilarman...
    Ming yildan keyin.

    Теги: sizni, qilmasman, Men, ortiq, BEZOVTA