Bugun ko’pga yordir namoz,
Namozlarda yangrar: safroz.
Go’zal onlar munchalar oz,
Sof ko’ngilga alam erur,
Bugun bizning bayram erur!
G’azab toshi otilmaydi,
gumrohniyam boshi chopilmaydi.
So’kkan odam topilmaydi,
Ayyom dardga malxam erur,
Bugun bizning bayram erur!
Dunyoda bayramlar to'lib yotibdi,
Ularning asli bir cho'pchak yo ertak,
Bugun hatto quyosh go'zal o'tibdi!
Hayit ayyomingiz bo'lsin muborak!
Gul bilan to'lib toshganda sahro,
Cho'lda gullagandek eng go'zal chechak.
Iymon lazzatidan olingiz bahra,
Hayit ayyomingiz bo'lsin muborak!
Shafaqning qo'ynida yashiringan oq,
"Go'zal tong otdi!" deb bergandek darak.
Buyuk e'tiqodning ramzi o'laroq,
Hayit ayyomingiz bo'lsin muborak!
Dunyo muhabbatin o'zga joylagan,
Oyning yuzin yopar ehtimol etak.
Rasululloh sevib bayram aylagan
Hayit ayyomingiz bo'lsin muborak!
Kufr-u, shirk, va'siyat, bo'xton-u g'iybat,
Islomsiz yo'lkaga sochganda pechak.
Mo'min birodarim tilagim faqat
Hayit ayyomingiz bo'lsin muborak!
Chirkin jamiyatlar yetarli saboq,
Ko'rdik har bir kunni qildilar ermak.
Aslida eng yomon ishlardan yiroq
Hayit ayyomingiz bo'lsin muborak!
Поделиться:
