0

Turkiyada mashina ichidan qiymati 72 mln dollarga teng bo‘lgan 18 gramm radioaktiv modda topildi

Автор: ADMINISTRATORкатегория: Dunyo newsдата: 18.07.2019
Turkiyaning Bolu viloyatida politsiya xodimlari mashina ichidan yadro quroli uchun jangovar kallaklar ishlab chiqarishda foydalaniladigan kaliforniy radioaktiv moddasini topdi. Bu haqda viloyat ma’muriyati xabar berdi.

Xabarda aytilishicha, kontrabanda va uyushgan jinoyatchilikka qarshi kurashish boshqarmasi xodimlari Otaturk parki hududida mashinani to‘xtatishgan va uning ichida 18,01 gramm kaliforniy moddasi borligini aniqlashgan.

"Qiymati 72 mln dollar deb baholanayotgan ushbu modda o‘rganish uchun Turkiya yadro energiyasi kengashiga jo‘natildi", — deb ma’lum qildi ma’muriyat.

Qayd etilishicha, mazkur ish bo‘yicha besh kishi qo‘lga olingan.

Теги: jinoyat