0

Qaysi burj vakillari tez xafa bo`ladi?

Автор: Activeкатегория: Qiziqarli (YANGILIKLAR)дата: 07-Ноябрь-2016, 18:25

Insonning tez xafa bo`lishga moyilligini uning burjiga qarab aniqlasa bo`ladi. Ishonmaysizmi? Quyidagi ma`lumotlar bilan tanishing.  

Hamal
Agar siz ushbu burj vakilining yaqini, suygani bo`lsangiz, «hamal»lar o`zining his-tuyg`ularini nazorat qila oladi. Ammo chegaradan chiqib ketsangiz, u quyidagi ikki yo`ldan birini tanlaydi: yoki butunlay sizni hayot daftaridan o`chirib tashlaydi yoki haqiqatda g`azab otiga minib, hamma joyni ostun-ustun qiladi-da, keyin tinchlanadi. Lekin qo`rqmang, ichida yongan olovi birpasda so`nib, sizni kechiradi ham. Keling, yaxshisi, uchqunni payqashingiz bilan alanganing oldini oling.  

Savr
U juda sabrli. Marhamat ko`rsatish yoki manmanligidan xafagarchiligini yuzaga chiqrmaydi. Ammo haddingizdan oshib ketsangiz, ruhan zarba berishi mumkin. Yana moddiy tomonlama hisob-kitob qilib oladi. Aslida, «savr»larni ko`pincha pul borasidagi muammolar ranjitadi. Shunga qarab, muomala qiling. 

Javzo
Yaxshisi, bu burj vakillari bilan hazillashmay qo`ya qoling. Ko`ngliga og`ir botadigan gap aytganingizdan araz-gina bilan cheklanmaydi. Qattiq jahli chiqadi. Urush-janjaldan keyin o`ylanib qoladi. Mulohazalari natijasida yoki yanayam qahri qattiqlashadi, yoki rahm-shafqat qiladi. Hazil bilan hammasini bosdi-bosdi qilaman deb o`ylamang. Jiddiy uzr so`rang, shundagina olam gulistonga aylanishi mumkin. 

Saraton
Juda his-hayajonga beriluvchan, ko`ngli nozikdan-da nozik. O`ylamay aytgan bir og`iz so`zingiz yuragini yaralashi hech gapmas. Oh uradi, qiynaladi, o`ylab ko`radi, oxiri hammasini ichiga yutadi. Tezda hovuridan tushadi. O`rtadagi xafagarchilik kuchli bo`lsa, bir kuni o`ch olishi hech gapmas. Juda ayyorona va yashirincha yo`l bilan, albatta. 

Asad
Bu burj vakillari juda mag`rurligi sababli xafagarchilikni og`ir qabul qilishadi. Darrov so`z bilan javob qaytarishadi. Shundanmi, arazi uzoq cho`zilmaydi. Tezda jahl otidan tushib, barchasini unutib yuboradi. Ular bilan munosabatda eng to`g`ri yo`l, tilga ehtiyot bo`lish. Shuning uddasidan chiqsangiz, munosabatlaringizga soya tushmaydi. 

Sunbula
«Sunbula»ning ko`nglini og`ritdingizmi, o`zingizdan o`pkalang. Issiq ovqatni ataylab sovutib oldingizga tortgandek ish ko`rishadi. Kimga qanday zarba berishni bilishadi-da. Boshim g`alvaga qolmasin desangiz, «Sunbula»lar bilan muomalada mas`uliyatni chin dildan his qiling. Bitta noto`g`ri qadam bosib, keyin dodingizni kimga aytishni bilmay yurmang, deymiz-da. 

Tarozi
Bir qarasangiz kulib turgan quyosh, bir qarasangiz bulut qoplab olgan osmon. Shungami, ularni xafa qilish juda oson. Hamma gapni ko`ngliga olishadi. Hazillaringizdan ham o`ksinib qolishadi. Ammo qasd olishni bilishmaydi. Tortishishi mumkin, biroq javob qaytarmaydi. Tezda unutib yuborishlariga qoyil qolish kerak. 

Aqrab
Ustasifarang «Aqrab»lar qattiq gapirsangiz ham, kulib turadi. Jimgina qachon qanday qilib javob qaytarishni rejalashtirishadi. Fe`l-atvori «Asad»larga o`xshash bo`lganidan uning otdan tushini kutish befoyda. hiylalarining tuzog`iga tushmaslikni istasangiz, nohaqliklardan yiroq bo`ling. 

Qavs
Arazlash bo`yicha birinchi o`rinda tursa-da, o`ziga ishonchi juda balandligidan ba`zida «Qo`y, shu bilan teng bo`lib o`tiramanmi?» qabilida ish ko`radi. Dilini ranjitgan insonni darrov kechirib yuborishga g`ururi yo`l qo`ymaydi. Uzoq o`ylab, juda chiroyli yo`l bilan alamidan chiqadi.   

Jadiy
Xafa bo`lish nimaligini bilmaydiganlar ham bor ekan. Mana, «Jadiy» ana shunday toifadan. U arazlamaydi, qasos olmaydi. O`zining kimligini ko`rsatib qo`yish uchun yaxshi ma`noda harakat qilishadi. Faqat o`zini hech qachon aybdor his qilmaydi. Muhabbatgina ularni hovuridan tushirishi mumkin. 

Dalv
O`ch olish unga yot. Unutish — eng yaxshi chora. Ko`ngilsizlik sodir bo`lganda o`zini niqoblab oladi. To`g`ri, biroz tortishishi, sizni kichik jazolar bilan siylashi mumkin. Biroq baribir o`rtadagi rishtalar haqqi-hurmati kechiradi. 

Hut
Juda ta`sirchanliklari sabab bir zumda kulib turgan chehrasi tundlashadi. Ko`nglini sindirgan voqea, inson haqida uzoq o`ylashadi. Nega bunday bo`ldi kabi savollarga javob izlashadi. O`ch olmaydi, ammo qo`l siltab ketmaydi. O`zini qanaqa yomon his qilayotganini aytib sizni qiynaydi. haqmisiz, nohaqmisiz, masalani hal qilish uchun yaxshilab uzri hol qiling.

Manba: Darakchi.uz

Теги: burj, TEZ, xafa, boladi?, qaysi, vakillari

Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.
Всего комментариев: 0

Добавить комментарий


Имя:*
E-Mail:
Комментарий:
Подписка:1
Код *:

Популярные теги