Регистрация
Меню сайта
Наш опрос
Оцените мой сайт
Всего ответов: 84
Статистика

Всего на сайте: 15
Гостей: 15
Пользователи: 0

19:13
Murodjon Ahmadaliyev amaldagi jahon chempionini jangga chorladi
Professional boksning super yarim yengil (-55,34 kg) vazn toifasida WBA Intersontinental kamari sohibi bo‘lgan o‘zbekistonlik bokschi Murodjon Ahmadaliyev navbatdagi jangida jahon chempionligi kamari sohibi bilan jang o‘tkazmoqchi. Bu haqda 5 dekabr kuni sportchi o‘zining "Instagram"dagi sahifasida amaldagi chempionga qilgan murojaatida ma’lum qilgan.

“Beshta jangimdagi g‘alabalar evaziga WBA reytingida birinchi o‘ringa ko‘tarildim. Bu hozirda WBA chempionlik kamari sohibi bo‘lgan Daniel Romanga qarshi ringga chiqish huquqini beradi. Jamoam bu jangni tashkillashtira olishiga ishonaman, lekin buning uchun chempionning o‘zi rozilik berishi kerak. U chempion va uning qarorini hurmat qilaman. Ammo oldimga butun dunyo reytingida birinchi o‘rinda bo‘lishni maqsad qilib qo‘yganman. Shunday ekan, Daniel Roman, kel birgalikda sportsevarlarga, boks ishqibozlariga ajoyib bellashuv taqdim etamiz. Eng kuchli kim bo‘lsa, o‘sha g‘olib bo‘lsin“, deya yozib qoldirgan Ahmadaliyev.

Eslatib o‘tamiz, noyabr oyi yakunlariga ko‘ra, Murodjon Ahmadaliyev WBA reytingida birinchi o‘ringa ko‘tarilgan edi. Hozirgacha 5 ta jang o‘tkazgan Ahmadaliyev ularning barchasida g‘alaba qozongan, 4 ta jangda raqiblarini muddatidan oldin mag‘lubiyatga uchratgan.

28 yoshli Daniel Roman esa professional boksda 29 ta jang o‘tkazib, ularning 26tasida g‘alaba (10ta nokaut) qozongan, 1 durang va 2 mag‘lubiyat qayd etgan. 2017 yilning 9 sentyabrida yaponiyalik Shun Kuboga qarshi jangda WBA chempionlik kamarini himoya qilgan.

So‘nggi marta 2018 yilning 6 oktyabr kuni Gevin MakDonnellga qarshi jangda raqibini 10-raundda nokautga uchratib, chempionlik kamarini himoya qilgan.
Категория: Sport news | Просмотров: 14 | Добавил: ADMINISTRATOR | Теги: sport | Рейтинг: 0.0/0
Всего комментариев: 0

Добавить комментарий


Имя:*
E-Mail:
Комментарий:
Подписка:1
Код *: