1-mart Tong

Tur o‘rningdan-chekinsin uzlat, 
Yuzingni yuv uyqungni ochib.
Ko‘zguga boq, sochingni tuzat, 
Uy kiyiming tashlagin yechib.

Egningga il yashil ko‘ylaging, 
Bo‘yningga os munchoqlaringni.
Unutmagin tag‘in qo‘llaring, 
Bo‘yab olgin tirnoqlaringni.

Qosh-ko‘zingda qanaqa bo‘yoq
Ko‘rkam turar o‘zing bilasan, 
Restoranga borayotgan chog‘
Ahir qanday pardoz qilasan, 

Xuddi shunday bo‘lsin ziynating-
Kam bo‘lmasin ko‘rinishingda, 
Kulgularing aslo tiymagin-
Nurlar sachrab tursin tishingda, 

Oyog‘ingga libosingga mos
Zangor tufli kiyib ol. Biram
Senga yarashadi bu-bexos
Qorong‘uda qolib ketsang ham

Mana, endi tashqariga chiq, 
Ikkilanib qarama ortga.
Hamma seni kutyapti intiq, 
Bahor kerak axir hayotga!
www.UZBEKONA.uz - Saytidan olindi!

Категория: SMS SHERLAR / СМС СТИХИ / СМС ШЕРЛАР | Просмотров: 322 | Добавил: Active | Теги: 1-mart Tong
«Uzbekona.Uz» telegram каналига қўшилинг ва энг сўнгги янгиликлардан хабардор бўлинг!

Поделиться